Activities calendar

Бакча сульдэр. Туж тумошо но тунсыко туэ ортчиз сад – бакча емышъёсъя но бакча сульдэръя вожвылъяськонъёс. Татчы асьсэлэсь ужъёссэс ваемъёсты нимысьтыз кузьмъёсын пусйизы. Палэнэ оз кельтэ вузкарисьёсты но. Ваньмызлы "Выль" праздник шулдыр но задор мылкыд кузьмаз.

Выльгуртын вузаськон урамъёс сяна, шулдыръяськон но вожвылъяськон азбаръёс но вал. Оглом вераса татын, возь вылын, пичиез но, бадзымез но аслаз сюлэмызъя киужъя но, шутэтсконъя но инты шедьтиз.

Ческыт жук. Кыкети арзэ "Выль" шулдыръяськон сиен – юон, будос, сад – бакча емыш вузан базар выллем ортчиз. Туэ 20 пала ужбергатисьёс татчы пыриськизы, вузаськизы но калыкез тодматизы асьсэлэн вузъёсынызы. Озьы ик котьку сямен лыктэм калыкез "Выльын" ческыт жукен куноязы

Туэ 6-ти адямилы "Выль" шулдыръяськонын можгаысь Удмурт Кенешлэсь "Данъян" премиязэ сётизы. Нимысьтыз пусйизы но силы каризы Петр Васильевич Кайшевез.

Котькуд сямен туэ но празднике трос выли куноос вуизы, соосты удмурт сямъя - кыласа – бураса, зеч мылкыдын пумитазы.

>