Activities calendar

25 июня 2014

<
Гербер шулдыръяськонлы йылпумъян

Можгаысь Гербере 20 адями ветлӥз. Нунал ӵоже 600 иськем ортчемзы нокинэ но оз сюлэмшугъяты. Туэ со Ярын ке ортчиз, вуоно арын асьсэ доры куное возьмалозы Кез ёросын улисьёс.

<
Гербер шулдыръяськонлэн  валтӥсь люкетэз

Гербер шулдыръяськонын валтӥсь люкетэз нуназе бере кык час палтӥ гинэ кутскиз. Торшорын Элькун кивалтэт силы кариз но данъяз музъем бордын ужасьёсты, бусы ужъёсын вормисьёсты.

<
Уваысь мудорез утись ӝук вӧсян бордын тыршиз

Ӝук вӧсян понна Герберын нимысьтыз мудор лэсьтэмын вал. Кызьы та люкетэз ортчиз милям гинэ адзыны луонлыкмы вал. Уваысь мудорез утись туж тыршиз.

<
Батыръёслэн ӵошатсконзы

Та вакытэ ик асьсэлэн кужыменызы ӵошатскизы удмурт батыръёс. Можга понна Батыр-шоуын нюръяськиз Михаил Кравцов. Ваньмыз пӧлысь со самой арлыдоез ке но вал, егитъёсын ӵошатыса воргорон етизгес на.

<
Быдэ вуон сэрегын ӵошатскон

Герберын 11часысен 4-5 сэрегъёс ваньзы ӵош ог вакытэ ужаны кутскизы. Быдэсак кызьы соос ортчизы ми ӧм адӟе. Но озьы ке но тыршомы тиледлы вакчияк валтӥсьёсыз сярысь возьматыны. Туш шулдыр вал егитъёслэн Быдэ вуон сэрегазы. Татчы Можгаысь Анастасия Трифонова но Александр Беспалов пыриськизы

<
Яр ёрос мыло-кыдо пумитаз Гербер шулдыръяськонэ лыктэмёсты

21 инвожое элькунамы ортчиз Гербер шулдыръяськон. Туэ куноосты пумитаз Яр ёрос. Шаермылэн уйпал сэрегаз ми но ветлӥмы. Соин ик туннэ быдэс передачамы сиземын луоз Герберлы. Юнме шат та нуналэ 600 иськем ортчимы. Тыршомы рос- прос вераны но возьматыны кызьы удмурт калык ужаны но шулдыръяськыны быгатэ. Котькуд ар праздниклэн кузёоосыз мыло – кыдо доразы лыктисьёсты пумитало. Туэ но рос- прос дасяськиллям.